أطفالنـــــــــــا * * * * * أمالنـــــــــــــــــــا

انا حبيت اتكلم معاكم عت أطفالنا عشان هما أمالنا لبكره وهما كمان الزهور اللى بنرعاها لبكرة بس انا هنتكلم عن فئة معينة من الأطفال هم ( الأطفال ذوى الأحتياجات الخاصة )
وفى كل مرة هاتكلم معاكم عن أعاقه معينه وكمان ازاى نتعامل مع ولادنا المعاقين
وقبل ما أبدأ معاكم عاوزة اعرفكم يعنى ايه فرد معاق : - الفرد المعاق هو فرد يعانى من قصور جسمى أو عقلى ادى الى عدم قدرته على تعلمه بعض الأعمال أو الأنشطة الفكرية او الجسمية التى يؤديها الفرد العادى بنجاح .
وأول أعاقه هاتكلم فيها معاكم هيه ( الأعاقة العقليه )
يعنى ايه أعاقه عقلية :-
هى حالة من توقف النمو العقلى أو عدم اكتماله وهذه الحالة تتسم بصفة خاصة باضطراب المهارات الملائمة للمرحلة الأرتقائية وهو ما يؤثر على الذكاء بأكمله شاملا اللغة والقدرات المعرفية والحركية و الأجتماعية وده تعريف منظمة الصحة العالميه للأعاقة العقلية
اما المعايير اللى على أساسها نقدر نحكم ان الطفل معاق عقليا هى :-
1- درجة ذكاء 70 على احدى مقاييس الذكاء
2- تدهور واضح فى الوظائف التكيفية طبقا لمعايير السلوك التكيفى لدى الأقران غير المتخلفيين عقليا فى نفس الجماعة الثقافية وخاصة فى ظهور الأضطراب فى اتنين على الأقل مما يلى :-
1- التواصل 2- العتاية بالذات 3- السلوك المنزلى 4- مهارات التوافق الأجتماعى 5- التعامل مع الخبرات المعاشة 6- التوجه الذاتى 7- مهارات التحصيل الأكاديمى 8- العمل 9- الأهتمامات 10- شغل أوقات الفراغ 11- الصحة والأمان
3- ان تحدث هذه المظاهر قبل سن الثامنة عشر .
وده كان تعريف الأعاقة العقلية والمرة الجايه هاتكلم معاكم عن تصنيفاتها بشرط اني اسمع استفارتكم ومستنية اسئلتكم